[سلسلة] أنا ليه بعيد عن ربنا ؟؟ حلقة [5]

[ايمن حماد]

بسم الله الرحمن الرحيم


السلام عليكم ورحمة الله وبركاته

ازيكم يا شباب سواء الناس اللى اول مرة تقرا الموضوع او المتابعين


معلش أتأخرت فى الحلقة دى لظروف هبقى احكيلكم عليها بعدين





اتكلمنا فى الحلقة اللى فاتت على ترك المعاصى
وهنتكلم المرادى عن الدعاء

الدعاء يا جماعة وسيلة سحرية على حد تعبيرنا
احنا لما بنقع فى مشكلة بنلف الدنيا كلها وبنسأل ونتحوج للناس كلها
وبننسى ربنا وبنخلية اخر حل لما منلاقيش مخرج من اللى احنا فيه



الدعاء حاجة عظيمة جدا جدا ومتعة جميلة جدا ودا مش مجرد كلام
دا واقع وتقدر تحس دا بنفسك


تعالوا نشوف فضل الدعاء فى ضوء الكتاب والسنة

قال تعالى:(وقال ربكم ادعوني أستجب لكم)
وقال تعالى (وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون ).
وقال صلى الله علية وسلم :الدعاء هو العبادة، ثم قرأ (وقال ربكم ادعوني استجب لكم ).
وقال صلي الله علية وسلم :أفضل العبادة الدعاء.
وقال صلي الله علية وسلم :ليس شيء أكرم على الله تعالى من الدعاء .
وقال صلى الله علية وسلم: إن ربكم تبارك وتعالى حيي كريم يستحيي من عبده إذا رفع يديه إليه أن يردهما صفرأُ خائبتين .
وقال صلى الله علية وسلم :لا يرد القضاء إلا الدعاء ولا يزيد في العمر إلا البر.
.........................

مش هطول عليكم فى الجزئية دى بس

تعالوا نربط الدعاء بالتوبة

ركزوووا عشان دا سر من أفضل الأسرار فى الحلقات

سؤال بنسألة كلنا
لية مهما سمعنا دروس او قرأنا قران او شوفنا مواقف مؤثرة وشوفنا مواعظ ومهما حد اتكلم معانا واعد يوعظنا ويحذرنا ويقول كلام
يحرك الحجر .. ورغم ذلك عمرك ما قلبك اتحرك
ولا بتقدر بعدها تنزل تصلى وتلتزم ....

ليييييييية ؟؟

إعانة ربنا مش موجووووووووووووووده
واعتقد دا افضل سر ممكن نستفيد منه على مدار كل الحلقات

عمرك ما هتراجع نفسك وتروح للطريقة المستقيم إلا بتوفيق الله وحده وإعانتة لك على التوبه
والألتزام وترك المعاصى


يا جماعة كل شئ احنا بنعملة فيه إعانه من ربنا

انك تنزل تصلى وتعبد ربنا وتسجد لية

وانك تصوم وانك تتصدق وانك حتى تقدر تحمد ربنا

أنك لما تسمع درس (ديني) او قران كريم بتتأثر وبتبكى وقلبك يخشع دا بإعانة وتوفيق ربنا

إنك لما تبعد عن الأغانى دا بتوفيق ربنا وبإعاتنة ليك


أنك تخاف من ربنا(خشية الله والخشوع) دى نعمة من ربنا ولا يمكن الحصول عليها إلا برضا الله وأمرة وبإعانتة

حتى حب الله وحب الرسول دى نعمة ولازم تعرف انها بفضل الله وتوفيقة

وانك تعرف الكلام اللى فات دا كلة
دى نعمة وفضل وتوفيق وإعانة من ربنا
مش شطارة منك

لازم نحمد ربنا على النعم دى ...

ربنا اللى هداك للمعرفة واللى أعانك على الطاعات وأعانك على انك تخشع لله
وأعانك انك تحبه وأعانك انك تحب رسوله وأعانك على التوبه وأعانك على انك تصلى وتصوم ...

هو دا الفرق بين اللى بيسمع وبيتعظ واللى بيسمع كتييييييييييير وعمرة ما قلبه بيتحرك

أحمد ربنا على النعم دى وخلى عندك يقين ان دى نعم من الله ومتقدرش تعملها من نفسك إلا بإعانته .. وشكر الله ومعرفة ان كل دا بتوفيقة مش شطارة وقوة منك
دا بيزيد نعمة ربنا عليك ودوامها ونسيانها بيتسبب فى سلب النعم والعذاب

{وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ }إبراهيم7

طيب يا عم الحاج متشكرين على السر الجميل دا

بس احنا كدا مفهمناش حاجة طالما مش شطارة مننا

ازاى بئى نقدر نحصل على إعانة ربنا على التوبة وعلى كل الخير والطاعات وعلى ترك كل المعاصى

قولنا بئى ربنا يخليك وكفاية رغى عشان تعبنا من القراءة

ماشى افتح ودانك وعنيك



بس مش دلوقتى بعد الفاصل ...

فاصل

[حريف شيرنج]

جزاك الله خيرا اخى الكريم

[نور الحياة]

والله الواحد بيعيش مع كلامك الجميل كانة فى مجلس زكر ومش عاوزة يخلص واجمل حاجة كمان الفاصل المفيد جعلة الله فى ميزان حسناتك وجزاك الجنة

ومنتظرين بلهفة العودة بعد الفاصل

[ايمن حماد]

ورجعنا لبعض تانى ...



عشان تجيلك إعانة ربنا لازم ... تطلبها منه

يا سلاااااااااااام أفادكم الله يعنى متشكرين اوى على
الإضافة الجامدة دى (بإستهزاء)

هههههههه
والله زى ما بقولكم الحوار بسيط إطلبها من الله -تعالى-

بصيغة تانية .. أدعى ليه .. يرزقك الإعانة على التوبة وعلى كل شئ تحبه ...
[اللهم أعنا على ذكرك وشكرك وحسن عبادتك]

يعنى القاعدة الذهبية

تتمنى وتبقى عاوز (ارادة) من جواك
انك تبطل ذنوب (أشيل توقيعي اللى فيه بنات - ابطل اغانى أغانى - ألبس الحجاب - ...)
انك تقرب من ربنا (تصلى وتصوم وتبقى اخلاقك كويسة وتلتزم فى العبادة ...)


تتمنى من جواك .+. وتدعى ربنا وترفع إيدك وتطلب الهدايا .+. تترك الذنوب

التمنى (النية)
انا كنت مأجل الحديث القدسى العظيم اللى لا يوصف دا
بس حان وقت انى اضيفه

"يا عبادي كلكم ضال إلا من هديته فاستهدوني أهدكم... يا عبادي كلكم جائع إلا من أطعمته فاستطعموني أُطعمكم... يا عبادي كلكم عار إلا من كسوته فاستكسوني أكسكم... يا عبادي إنكم تخطئون بالليلِ والنهار وأنا أغفر الذنوب جميعا فاستغفروني أغفر لكم"..

أستهودنى يعنى أطلبوا الهدايه
استطعمونى يعنى اطلبوا الطعام ... وهكذا

الدعاء
قال رسول الله صلى الله عليه وعلى آله وسلم:
[ إن ربكم حيي كريم يستحي من عبده إذا رفع إليه يديه أن يردهما صفرا خائبتين ]

شوفتوا ربنا كريم بيستحى (بلهجتنا بيتكسف) بس حياء الله ليس مثله حياء يعنى مش زى حيائنا
ربنا العظيم بيستحى من عبده الصغييييير الضعيييف الفقييير (طبعا دى صفاتنا بالنسبة لله يعنى مش فقير معندوش فلوس لكن فقير بالنسبة لله)
شوفتم كرم ورحمة ربنا بيستحى مننا اننا نرفع ايدينا وندعية ويرد ايدينا خائبة


في الحديث القدسي :
(( يابن آدم إنك مادعوتني ورجوتني غفرت لك على ما كان منك ولا أبالي . يابن آدم لو بلغت ذنوبك عنان السماء ثم استغفرتني غفرت لك . يابن آدم إنك لو أتيتني بقراب الأرض خطايا ثم لقيتني لا تشرك بي شيئاً لأتيتك بقرابها مغفرة ))

ترك الذنوب (نوع من التقرب من الله)
في الحديث القدسي
(( أنا عند ظن عبدي بي , وأنا معه حيث يذكرني , والله لله أفرح بتوبة عبده من أحدكم يجد ضالته بالفلاة .
ومن تقرب إلي شبراً , تقربت إليه ذراعاً . ومن تقرب إلي ذراعاً تقربت إليه باعاً . وإذا أقبل إلي يمشي أقبلت إليه هروله )) رواه مسلم .
التقرب بئى هنا بيبقى بالنية والأرادة (انك فعلا تكون عايز تتوب) والدعاء والفعل (ترك الذنوب)


عايز بس اقولكم حاجة
متستعجلوش فى نتيجة الدعاء

انت اذا دعيت دعوة ...
إما أن يستجيب لك الله عز وجل ويحققها لك فى الدنيا ، أو أن يدفع عنك به شرا ، أو أن ييسر لك ما هو خير منه ، أو أن يدخره لك عنده يوم القيامة حيث يكون العبد إليه أحوج

من أسباب منع الإجابة
عن النبي صلى الله عليه وسلم
: "يستجاب لأحدكم ما لم يعجل". قالوا كيف يعجل يا رسول الله؟ قال: " يقول : : دعوت ودعوت ودعوت فلم يستجب لي" .

متسعجلش فى انك تلاقى نتيجة ومتستبطأش اجابة الدعا
الدعاء عبادة عظيمة وربنا بيحب الإلحاح فى الطلب وتكرارة

ادعو ربنا فى كل صغيرة وكبيره
فالدعاء فى حد ذاته عباده لله ومن أعظم العبادات



وفى نهاية حلقتنا بقول اذا فيه خطأ فمنى ومن الشيطان
واذا فيه توفيق فهو من الله

..
يارب كلكم تقروا الحلقات كاملة وتتفاعلوا
واتمنى انكم تتفاعلوا وتساهموا فى نشر الحلقات
واللى عنده اى تصحيح لأى خطأ ياريت ميتأخرش فى انة يوضحه

وأسأل الله العظيم رب العرش العظيم
أن يهدينا ويتوب علينا ويردنا إليه رداً جميلاً إنه ولى ذلك والقادر عليه

..
الواجب

[osamadeutsche]

جزاك الله خير اخي

مع كامل تحياتي

[نور الحياة]

[ايمن حماد]

شكرا لمروركم الكريم

وانتظرونا فى الحلقة السادسة قريبا جدا ان شاء الله

[osamadeutsche]

جزاك الله خير اخي ايمن

مجهود رااااائع

مع كامل تحياتي